ائتمه گیل
اوزونی مندن نیهان ائتمه ک دیله رسن ، ائتمه گیل
گؤزلریم یاشین روان ائتمه ک دیله رسن ، ائتمه گیل
برگ نسرین اوزره مشکین زولفونو سن داغیدیب
عاشیقی بی خانمان ائتمه ک دیله رسن ، ائتمه گیل
قاشلارین قوسوندا ، مژگانین خدنگین گیزله دیب
ای گؤزو مستانه ، قان ائتمه ک دیله رسن ، ائتمه گیل
جانیمی وصلین شرابیند ن آییردین ، ای گؤزوم
عینیمی گوهر فیشان ائتمه ک دیله رسن ائتمه گیل
قویموشام عشقینده من کون و مکانین وارینی
جان ندیر کیم ، قصد جان ائتمه ک دیله رسن ، ائتمه گیل
بورکه یی اوزده ن آچارسان ، مگر نامحرمه
گیزلی اسراری عیان ائتمه ک دیله رسن ، ائتمه گیل
یاندیریرسان کؤنلومو عشقینده ، معلوم اولدو کیم
آنی رسوای جهان ائمته ک دیله رسن ، ائتمه گیل
دوغرویام عشقینده اوخ تک ، کیپریکین تانیک دورور
قددیمی نئیچون کمان ائتمه ک دیله رسن ، ائتمه گیل
چونکو عشقین مسکنیدیر ، کؤنلومون ویرانه سی
حسرته آنی مکان ائتمه ک دیله رسن ، ائتمه گیل
چون یقین بیلدی نسیمی آغزینین وار اولدوغون
او یقینی سن گومان ائتمه ک دیله رسن ، ائتمه گیل
شاعر: عمادالدین نسیمی
با تشکر از کریم و عزیزترین برادرزاده اش میترا جهت ارسال این شعر زیبا
