عکس از ویکی مدیا
+ نوشته شده توسط شهربانو در شنبه سی ام آذر 1387 و ساعت
20:37 |
درباره وبلاگ
استفاده از مطالب وبلاکها با ذکر منبع و لینک به وبلاکها بلامانع است .
طراح قالب قایا قیزی
ناله دن دیر نی کیمی آوازه عشقیم بلند
ناله ترکین قیلمارام نی تک کسیلسم بند - بند
قیل مدد ای بخت ، یوخسا کام دل ممکن دئییل
بؤیله کی او دلربا بی درد دیر من دردمند
داغ لر دیر اودلو کؤکسوم دن قاراسی قوپمامیش
یا ثبات عشق ایچون اود اوزره بیر نئچه سپند
آچیلیر کؤنلوم گهی کیم گریه تخلیم گؤروب
آچار او گلرخ تبسم بیرله لعل نوشخند
خاک راهیم دن منی قالدیرا بیلمز سایه تک
قیلسا گردون آفتابین هر شعاعین بیر کمند
جام توت دئر ساقی گلچهره زاهد ترک جام
ای کؤنول فکر ایله گؤر کیم ، هانسی دیر توتماغا پند
ای فضولی ، صورت فقرین قبول دوست دور
هیچ درویشی ، سنین تک گررمه دیم سلطان پسند
+ نوشته شده توسط شهربانو در پنجشنبه بیست و هشتم آذر 1387 و ساعت
15:55 |
مارال
سحر - سحر چشمه اوسته
دورور بویو بالا مارال
آلا گؤزلر گیریب قصده
ایستیر جانیم آلا مارال
سئودیم ظالیم باغری داشی
آلماز کیپریک قلم قاشی
ترلان گؤروب یاشیل باشی
ساخین قایناق چالا مارال
آغ اوزده خالین بنووشه
آز قالیر باغریمی دئشه
مجنونلوق دو منه پئشه
دوشموشم محالا مارال
اؤپمه دیم آلا گؤزوندن
دویمادیم شیرین سؤزوندن
منی آییریب اؤزومدن
سالما داغدان داغا مارال
جمالین دی شمس قمر
وصفین اولوب دیلده ازبر
اوجوندان یازیق علی عسگر
دؤنوبدو آبدالا مارال
+ نوشته شده توسط شهربانو در چهارشنبه بیستم آذر 1387 و ساعت
20:0 |
آشاغی : پائین
آشاغی باش : پائین دست
آشغی دا : در پائین
آشاغی دان : از پائین
آشاغی داکی : در پائین ، آنچه که در پائین است
آشاغی دوشمک : پائین افتادن ، در کاری تنزل کردن
آشاغی یا سالماق : به پائین انداختن
آشاغی لاشماق : پائین آمدن
آشاغی لاتماق : پائین آوردن
آشاغی ائله مک : پائین کردن
باشینی آشاغی ائله مک : موجب سرافکندگی شدن
آشاغی دان یوخاری یا : از پائین به بالا
آشاغی یا ساتماق : به قیمت پائین تر از ارزش فروختن
+ نوشته شده توسط شهربانو در چهارشنبه بیستم آذر 1387 و ساعت
19:54 |
سیچان : موش
سیچان دلیین ساتین آلیر
سیچان اؤلدورمک پیشینین اویناماغی دیر
سیچان بالاسی توربا کسه ر
سیچان اولمامیشدان چووال دیبی کسیر
من نه ن سیچان پیشیک اویناما
سیچان کیمین بیر گؤزو دلیک دئشیک دی
سیچان گؤه نده پلنگه دؤنور ، پلنگ گؤرنده سیچان دلیگین ساتین
آلیر
+ نوشته شده توسط شهربانو در چهارشنبه بیستم آذر 1387 و ساعت
19:48 |
آ یازیق میللت
گلنه یالواریب اؤپن ده سن سن
گئده نین دالینجا سؤین ده سن سن
یئیلن ده سن سن یئیه ن ده سن سن
سن کیمدن کوسورسن آ یازیق میللت
چیراغین قالانیر ، اوجاغین سؤنور
آلچاغین اوجالیر ، اوجالار ائنیر
کیمه گووه نیرسن ، یالتاغا دؤنور
سن کیمدن کوسورسن آ یازیق میللت
اؤزگه نین گؤزونده قیل آختاریرسان
میلچک قیسمتیندن ، فیل آختاریرسان
وظیفه گزیرسن ، پول آختاریرسان
سن کیمدن کوسورسن آ یازیق میللت
آتین یاد طووله ده کیشنه ییر سنین
دیلیندن شعارلار دوشمه ییر سنین
یالتاقلیق قانینا ایشله ییر سنین
سن کیمدن کوسورسن آ یازیق میللت
یاردیم آلدیغین گون بایرام دی بایرام
یئدیغین قورو شور ، ایچدیغین آیران
اؤزون دؤزومونه اولوبسان حئیران
سن کیمدن کوسورسن آ یازیق میللت
روشوه یه قول اولدون تاماحا دوشگون
بو قویودان چیخماغین موشگول
آدین قاچقین اولدو ، سوی آدین کؤچگون
سن کیمدن کوسورسن آ یازیق میللت
بوستانین سوولوب اوراسی قالیب
پراسی گئدیب دی یاراسی قالیب
آلنیندا عاجیزلیک دامغاسی قالیب
سن کیمدن کوسورسن آ یازیق میللت
جیریق شالواریندان گؤرونور دیزین
اؤزونو یاندیریر آلاوین کؤزون
آلان دا اؤزون سن ساتان دا اؤزون
سن کیمدن کوسورسن آ یازیق کیللت
بیلمیریک هئچ هانسی اتک دن توتاق
آری لار قویمورکی پتک دن توتاق
عالیمین قورخاخدی ، شاعرین یالتاق
سن کیمدن کوسورسن آ یازیق میللت
سنی سووین لرین دیلین دن اؤلدون
یانمیش ائوینیزین کولوندن اؤلدون
باشینا وورانین الیندن اؤپدون
سن کیمدن کوسورسن آ یازیق میللت
باشیندان قاسیرغا ، طوفان اسیبدی
توتدوغون اتک دن الی کسیبدی
طالیع اوز دؤنده ریب ، بختین کوسوبدو
سن کیمدن کوسورسن آ یازیق میللت
+ نوشته شده توسط شهربانو در یکشنبه هفدهم آذر 1387 و ساعت
21:36 |
اوغول
اوغول آرخادیر ، قیز یاراشیق
اوغول نادهیم اولسا ، درد اؤلدوره رآتانی
اوغلوم اوغول اولسا ، نئینیر آتا مالینی
اوغلوما اوشاقلیقدا قیز وئرن چوخ اولار
اوغول منیم دیر اگر ، بیلیرم نه قوشون یومورتاسی دیر
+ نوشته شده توسط شهربانو در یکشنبه هفدهم آذر 1387 و ساعت
20:57 |
آغ : سفید
آغ آلما : سیب سفید
آغارتماق : آق ائله مک
آغ باش : سفید موی
آغ ساققال : ریش سفید
آغ بیرچک : گیس سفید
آغ بیرچکلی: گیس سفید
آغ تورپاق: خاک آهکی
آغ تیکان : خار شتر
آغ چیل : سفید و سیاه ، مایل به سفید
آغجا : سفید ، نام دختر
آغ سو : آب مرواید چشم
آغ سو گتیرمک : مبتلا به بیماری آب مروارید در چشم شدن
آغ سؤیود : صنوبر
آغ شین : سفید روی
آغ قیزیل : طلای سفید
آغ گون : روز خوش
آغ گونه چیخماق : خوشبخت شدن
آغ لیق : سفیدی
+ نوشته شده توسط شهربانو در یکشنبه هفدهم آذر 1387 و ساعت
20:54 |
گؤز
گؤز گؤرمه سه اوره ک سئومه ز
گؤزومون نورودور اوره ییمین طاقتی
گؤزونون کؤکو سارالدی
قارنی دویور گؤزو دویمور
گؤز ایسته دیغی گؤزله باخار
گؤزوم گؤردو ، کؤنلوم سوویدو ، گوناهیم نه دی سیز دئیین
گؤز گؤرمز ، اوز اوتانماز
گؤز گؤردوغونو دانماز
گؤز نه دن قورخار ؟ گؤردویوندن
+ نوشته شده توسط شهربانو در پنجشنبه چهاردهم آذر 1387 و ساعت
12:7 |
گول خانیم
سحر - سحر سیغال وئریر
آینا قاباغا گول خانیم
تای اولماز داغلاردا لالا
گول گز یاناغا گول خانیم
وصفی یاییلیب محالا
ماشالله او خطی خالا
مشتاغام لبینده بالا
قایماق دوداغا گول خانیم
ملک زادا حوری قیلمان
قضا قدیین قیلیب کامان
منی حسرت قویما آمان
بلور بوخاغا گول خانیم
هوو چکیلیب قدی آیلار
آق اوزونده قارا خاللار
مدحین ائشیدن جاهاللار
دوشوب سراغا گول خانیم
علی عسگرم قادان آللام
گئتمه رم یانیندا قاللام
پروانه یم قوربان اوللام
شاما چیراغا گول خانیم
+ نوشته شده توسط شهربانو در پنجشنبه چهاردهم آذر 1387 و ساعت
11:58 |
جیران
دوروم دولانیم باشینا
قاشی گؤزو قارا جیران
حسرتیندن خسته دوشدوم
ائیله درده چارا جیران
سؤز ائشیدیب عرضیم قانسان
من یانیرام سن ده یانسان
اؤزون بیر تولک ترلانسان
نییه اویدون سارا جیران؟
علی عسگرم آق داغ اوللام
عشقین گیردابیندا قاللام
کوسدورموشم کؤنلون اللام
یالوارا - یالوارا جیران
+ نوشته شده توسط شهربانو در دوشنبه یازدهم آذر 1387 و ساعت
20:22 |
کوهنه = کهنه
کوهنه قورد یولون آزماز
کوهنه کنده ته زه دارقا گلیب
کوهنه کنده ته زه دب قویور
کوهنه دونون یاماقیندان بللی دیر
کوهنه پامبیق بئز اولماز
کوهنه عادت باشدان چیخماز
+ نوشته شده توسط شهربانو در یکشنبه دهم آذر 1387 و ساعت
17:56 |
گلمدی
باد صبا بیر خبر وئر کؤنلومه
او گولو خندانیم نئیچون گلمدی
خیالیم شهرینی قویدو ویرانا
سروریم سولطانیم نئیچون گلمدی
سرخوش یئریشینه قوربان اولدوغوم
گؤرمه ینده دلی دئیوان اولدوغوم
مینا گردنینه حئیران اولدوغوم
سرو خرامانیم نئیچون گلمدی
قاشی کمان کیپریکلری قلمیم
آغزی شکر دوداقلاری یئملیم
الوان کلاقیلی بیاض ممه لیم
سینه سی مئیدانیم نئیچون گلمدی
محراب و منبریم کعبه علیام
عقلیم هوشوم جانیم هم دینیم دونیام
ائلیم گونوم اوبام میصری زلیخام
یوسف کنعانیم نئیچون گلمدی
نسرین بناگوشوم بنفشه مویلوم
پری لر طلعتیم ملائک خویلوم
بلبل لطافت لیم صنوبر بویلوم
حوری قیلمانیم نئیچون گلمدی
آغزی خئیر سؤزلوم ، دیلی دله کیم
تر گولوم آغ الیم گوموش بیله کیم
قناری جیلوه لیم طاووس باخیشلیم
لباسی الوانیم نئیچون گلمدی
واقفیله دؤندو بیر ساعاتیمیز
نه صبریمیز قالدی نه طاقتیمیز
بو گوندن بئله دیر قیامتیمیز
گلمدی جانانیم نئیچون گلمدی
+ نوشته شده توسط شهربانو در یکشنبه دهم آذر 1387 و ساعت
17:51 |
قادان آلیم
دستینله غنچه نی اوز قادان آلیم
سوسن دن سنبل دن لاله نرگیس دن
سیاه تئللرینه دوز قادان آلیم
ساللانیب - ساللانیب اؤزونو اؤیمه
ائله سوزگون باخیب قلبیمه ده یمه
یارالی باغریما گؤزل داش دؤیمه
قویما سینه م اوسته کؤز قادان آلیم
گؤیرچین سن ائیوانیما قوناسان
عرض ائیلیم درد دیلیم قاناسان
ایری تئللی یاشیل باش سیز سوناسان
گل بیزیم گؤللرده اوز قادان آلیم
دوروب سنین کیتابینا باخیرام
شیرین جانی آتشینه یاخیرام
شوقا گلیب شیرین - شیرین اوخورام
چاتمیر تعریفینه سؤز قادان آلیم
عاشیق علی عسگرین دردینی بیلسن
آغلادیب چشمینین تری نی سیلسن
اگر قدیم قویوب بیر بیزه گلسن
یئرین وار گؤز اوستونده قادان آلیم
+ نوشته شده توسط شهربانو در جمعه هشتم آذر 1387 و ساعت
10:25 |
سن = تو
۱ - سن دئییه ن اولسون ، قال یاتسین = هر چی تو میگی قبول می کنیم بلکه دعوا بخوابه
۲ - سن آقا من آقا به بو اینکلری کیم ساغا ؟ = هم تو آقائی هم من ! آخر این گاوها را چه کسی بدوشد ؟
۳ - سن آغاجی آل اله ، گوناهکار اؤزون به لر = تو چماق را به دستت بگیر ، گناهکار خودش را از ترس خیس می کند.
۴ - سن ویراندا سو چیخیر ، من ویراندا قان؟ = چی شده وقتی تو می زنی جاش آب می ریزد ، وقتی من می زنم خونریزی می شود ؟
۵ - سن ده لی من یئتیم = تو دیوانه ای و من یتیم
۶ - سن سؤزو آت یئره ، صاحابی گؤتوره ر = تو حرفت را بزن ، صاحبش می فهمد که منظورش توئی
۷ - سن سایدیغین سای گولوم ، گؤر فلک نه سایاجاخ = تو ظلم کن ببین فلک با تو چه می کند
۸ - سن کیم ، من کیم ؟ = من و تو چه سلام و علیکی با هم داریم ؟
۹ - سن دوزا گئده نده ، من دوزدان گلیردیم = وقتی تو دنبال نمک می رفتی من برگشته بودم./ کاری که تو الان شروع می کنی خیلی وقته که من انجام داده ام.
۱۰ - سن اؤزووه دوست قازان بالا دوشمن اوجاق باشیندا= تو سعی کن برای خودت دوست دست و پا کنی ، دشمن سر اجاق هست.
بو آتا سؤزلرینی ده محرم منصوری زاده گؤنده ریب
سن یولداشوی چوخ ایسته؛ پایوی آلله دان ایسته! با شریکت مهربان باش و روزیت را از خدا بخواه!
سنون اومودوا قالان، آج یاتار ! : کسی که به امید تو باشد؛ گرسنه می خوابد!
سنین کین ییاخ؛ منیم کین اویناداخ! = سهم تو را بخوریم و با سهم من بازی کنیم!
+ نوشته شده توسط شهربانو در دوشنبه چهارم آذر 1387 و ساعت
20:7 |
گرک
ندن کوسوب طبعی نازیک اولان یار
بیلمه نم کی ، بونا نه چاره گرک ؟
نه دئمک دیر دوست - دوستوندان اییلمک
گرک کی دوزه له یول ، آرا گرک
گؤره سن نه دومیش رقیب بی پیر
یار اولوبدو مندن ها بئله دیلگیر
من اوندان ائتمه رم جانیمی تقصیر
آما کی اؤزوندن اشاره گرک
اتک لیی آلتون ، قسابه سی زر
چهرایی چارقادی ، قدی برابر
باشیندا برق وورور گون کیمی زیور
اونو گؤرن دوشه اودلارا گرک
اشرفی دن اوزلوک ، اوزونده گؤیچک
بوغازی آلتیندا سیغاللی بیرچک
ضاباق بئله بیاض ، یاناق لاله تک
گؤز آلا گرکدیر ، قاش قارا گرک
اوخویوب واقفین هم ازلیندن
شیرین قافیه دن شوخ غزلیندن
دوروب اؤپوب آیاقیندان الیندن
باریشماق یالوارا - یالوارا گرک
+ نوشته شده توسط شهربانو در شنبه دوم آذر 1387 و ساعت
18:28 |