+ نوشته شده توسط شهربانو در سه شنبه بیست و هفتم اسفند 1387 و ساعت
20:7 |
درباره وبلاگ
استفاده از مطالب وبلاکها با ذکر منبع و لینک به وبلاکها بلامانع است .
طراح قالب قایا قیزی
داغلار
باشدان باشا آل الوانسان
تاج اولوبسان باشا داغلار
عمور بویو سنده گزدیم
یاشا داغلار ، یاشا داغلار
لاله نرگس سوسن سونبول
سن مجنونون قدرینی بیل
یاسمن یاس او قرنفیل
چالما داشدان داشا داغلار
خسته قاسم یولا باخار
جانینی اودلارا یاخار
قیش سوووشار سولار آخار
گول دوزه رسن قاشا داغلار
+ نوشته شده توسط شهربانو در پنجشنبه بیست و دوم اسفند 1387 و ساعت
1:11 |
باهار تبریکلری
باهار نغمه سینی دویان چیچکلر
طراوتلی یئنی گونلر گؤزله ییر
سئوه ن کؤنول حسرتیله دوستلارین
سئوگی دولو گؤروشلرین اؤزله ییر
باهار گلیر ائلدن اوبادان اوزاق
سئوینج ایله کدر یاشیر بیر آندا
آرزوسیله یاشاییروق او گونون
بایرام توتاق دوغما آذربایجاندا
گؤزلورم یوبانمیش اول باهاری کی
کؤنول باغچاسیندا آرزی گول آچسین
اریسین قورخونون قارا بوزلاری
قفسلر قریلسین بولبول دیل آچسین
عین باهاردیر دم وصل جمال دوستان
رؤیت حوسن یاریله تازه لنیرجسم ایله جان
گل نفسینله رخوت غربتی پایمال ائدک
سئوگی محبت اولماسا یوخدو فراقه سون قویان
گؤنده رن : علی آینالی
+ نوشته شده توسط شهربانو در چهارشنبه بیست و یکم اسفند 1387 و ساعت
19:9 |
توپال سئودا
دون ساحیلده کارشیلاشتیک
بیر آن گؤزوم ایسیردی
سونرا بیردن تانیدیم
دوشمه مک ایچین زور توتدوم کندیمی
باجاکلاریم تیتره دی
بیر آغاجا یاسلاندیم
*
ییرتیلان بیر مکتوب گیبی
سیسلی حاتیرالارینگئری سیندن باکییوردو
ائسکی بیر سئودانین
دورولمامیش نئهیرلری
چیرپیناراک یوره گیمه آکییوردو
*
حاتیرلادیقیم
بیر سون باهار گونویدو
کارشیمیزداکی یئنی ائو تاشیندیلار
بوتون گون باکیشیپ دورویوردوک
گؤزلری
گؤزلری سانکی بیر ار کورشوندولار
یوسوف خیال اوغلو آللاهین رحمتینه گئتدی
ترکی استانبولی ، ترکی آذربایجانی ، فارسی
دون : دونن ، دیروز
کارشیلاشتیک : اوز به اوز گلدیک ، روبرو شدیم
بیر آن : بیر لحظه ، یک لحظه
گؤزوم ایسیردی : ائله بیل کی بیر یئردن تانییرام ، مثل اینکه
جائی دیدم
دوشمه مک : ییخیلماماق ، به زمین نخوردن
باجاکلاریم : آیاقلاریم ، پاهایم
یاسلاندیم : دایاندیم ، تکیه دادم
گیبی : کیمین ، مانند
سیسلی : کم لی ، مه آلود
حاطیرا : خاطره ، خاطره
گئری سینده : دالیسیندا ، پشت سرش
باکییور : باخیر ، نگاه می کند
ائسکی : کوهنه ، کهنه
یوره گیم : اوره گیم ، دلم
حاتیرلادیکیم : یادا سالدیغیم ، به خاطرم
باکیشماک : بیر بیرینه باخماق ، به هم نگاه کردن
سانکی : ائله بیل کی ، گوئی
بیر ار : بیر – بیر ، یکی یکی
+ نوشته شده توسط شهربانو در یکشنبه هجدهم اسفند 1387 و ساعت
20:59 |
قادین ای قادین!
گولر چیچکلی یاز امللرینله،
اولسا آل گونشه پاک اعتقادین.
بزهنر دونیامیز گول اللرینله،
سنده بیر باهارسان قادین ای قادین!
کیشیلر اولسادا توپراغا قدرت،
سنسن سفرلرده مین جوره نعمت،
مقدس انسانلار ائتدین تربیت،
نبیلر، بابکلر سنین ائولادین؛
دونیایا بزکدیر آدین ای قادین!
باخیرام تاریخه باغریم اولور قان،
نه قارا عصیرلر کئچیب باشیندان،
کهنه نظاملارین داش یادداشیندان،
باغلاندی ایللرله قولون، قانادین؛
دونیایا بزکدیر آدین ای قادین!
قیز اولدون چؤللره آتدیلار سنی،
قول دئییب بازاردا ساتدیلار سنی،
حرمسرالارا قاتدیلار سنی،
لاکن باش اگمهدین اؤنونده یادین؛
دونیایا بزکدیر آدین ای قادین!
گاهدان حجر آدلی سن قوچاق اولدون،
خانلارین باغرینا بیر پیچاق اولدون،
پاشالار الیندن سن قاچاق اولدون،
قیردین زندانلارین سولو پولادین؛
دونیایا بزکدیر آدین ای قادین!
گاهدان یولداش اولدون قوچاق سردارا،
مشروطه اوغروندا آلدین مین یارا،
دؤزدون ایشکنجهیه، چکیلدین دارا،
استبداد اؤنونده قالخدی فریادین؛
دونیایا بزکدیر آدین ای قادین!
بیلمیرم آناسان، قیزسان، گلینسن،
آنجاق بونو دویوب دوشونورم من،
بو گؤزل حیاتین زینتیسن سن،
سنسیز کیم آنلاردی حیاتین دادین،
دونیایا بزکدیر آدین ای قادین!
علمله، هنرله سن مغرور یاشا،
جان وئرسین قدرتین توپراغا، داشا،
وقارین تماشا، عؤمرون تماشا،
یاییلسین عالمه شهرتین، آدین؛
دونیایا بزکدیر آدین ای قادین!
اؤزونه لایقده بالالار بسله،
ائللری صلح ایچره حیاتا سسله،
کام آلسین دونیادان انسان هوسله،
گول آچسین طالعین، آرزون، مرادین؛
دونیایا بزکدیر آدین ای قادین!
منبع : بوردا
+ نوشته شده توسط شهربانو در یکشنبه هجدهم اسفند 1387 و ساعت
14:30 |
باهارایدیر یئنه
آچ اوره یین پنجره سین گوللو باهارایدیر یئنه
گؤزده اومود اوزده گولوش سئوگیلی یارایدیر یئنه
غونچه آچیبدیر اؤرتوگون بولبوله ازدیریر اؤزون
گؤزلری تازه نرگیزین مست وخومارایدیر یئنه
تازه گلینلییین گئین چترینی یاسمن آچیب
آینا کیمی بولاغلارا کؤلگه سالارایدیر یئنه
لاله دولاندیریر جامین عشقینه تازه دورانین
دوم دورو بوز شلاله لر داغدان آخارایدیر یئنه
قالدی قیشا اوز قارالیق چیخدی چمنده تخته گول
سیرینه چیخ یام یاماجین نقش ونگارایدیر یئنه
غم قفسینده کؤنلونو قییما کدر اوساندیرا
آرزی اومود قاپلارینی سئوگی آچارایدیر یئنه
دردی درین دوغما ائلی نازلی یازی گؤزله مه ده
سئوگیسی سئودامیز اولان شانلی دیارایدیر یئنه
گؤنده رن : علی آینالی
+ نوشته شده توسط شهربانو در شنبه هفدهم اسفند 1387 و ساعت
21:24 |
بایرام – اسماعیل جمیلی
بایرام سنین گؤروشوندور
ایل دؤنومو باهانه دیر
باهار سنین گولوشوندور
سؤز صحبتین ترانه دیر
یاناقلارین قیزیل گولدور
باخیشلارین سئوگی سئلی
سئودان منی ائدیب دلی
سویله مه بو ادا نه دیر
گول گؤزه لیم گوللر آچسین
یاسمن لر عطیر ساچسین
غم داغیلسین غصه قاچسین
زمان یامان زمانه دیر
گونش سریب تئلین داغا
گول سوفره سین آچیب باغا
بیرجه اؤپوش بایراملیغا
وئرسن اگر شاها نه دیر
گؤنده رن : علی آینالی
بو شعرین فارسی جه ترجمه سی بو وبلاکدا
+ نوشته شده توسط شهربانو در شنبه هفدهم اسفند 1387 و ساعت
21:21 |
گؤیچک - گؤیچک
گلدی بیر شوخ گئنه یانیما گؤیچک - گؤیچک
ووردو بیر تیغ جفا جانیما گؤیچک - گؤیچک
لاله روخسارین ائدیب خون دیلیمدن گولگون
بویادی اللرینی قانیما گؤیچک - گؤیچک
پاره - پاره جگریم شیشه چکیب ائتدی کباب
تیکدی گؤز دیده ی گیریانیما گؤیچک - گؤیچک
حیف کیم اولمادی بو عاشیقه بیر جانی یانان
دئیه بیر دردیمی جانانیما گؤیچک - گؤیچک
پناه آللاها دئییب ، قهر و غضب دن یوما گؤز
ائده بیر عرضیمی سولطانیما گؤیچک - گؤیچک
تا کی پروانه کیمی شؤوقیله بو جانی فدا
ائدم اول شمع شبستانیما گؤیچک - گؤیچک
اولو یارب ! گؤره سن بیر گئجه اول .الی مصر
گله بو کلبه ی احزانیما گؤیچک - گؤیچک ؟
غم یئمز داهی نباتی اگر اول شاه جهان
باسا بیر موهرنو فرمانیما گؤیچک - گؤیچک
+ نوشته شده توسط شهربانو در پنجشنبه پانزدهم اسفند 1387 و ساعت
19:23 |
اولدوم
دوشه لی عشقه ، خوار و زار اولدوم
شمع تک دود آها یار اولدوم
یاندیریب خرقه و ردانی ، تمام
شیخ صنعانا ننگ و عار اولدوم
دئدیلر آدیما خراباتی
خلقه بیر کوفر آشکار اولدوم
تنگه گتدی منی ملامت لر
ساکین دشت و کوهسار اولدوم
درد هیجرانا تاپمادیم چاره
نه عجب شاه تاجدار اولدوم
چون نباتی اونوتدو دونیانی
من ده بو خلقدن کنار اولدوم
+ نوشته شده توسط شهربانو در چهارشنبه چهاردهم اسفند 1387 و ساعت
20:54 |
ایت
ایت ایتینه ن بوغوشدو ، یولچویا گیره وه دوشدو
ایت ایتی نن ساواشاندا ، قورد کؤرپونو آشیب کئچر
ایت ایته بویورار ، ایت ده قویروغونا
ایت ایتین قویروغونو آیاخلاماز
ایت ایت لیغین ترگیتسه ، سومسونمه غین ترگیتمز
+ نوشته شده توسط شهربانو در چهارشنبه چهاردهم اسفند 1387 و ساعت
20:48 |
|
سد قره زمين ماكو |
|
این طرح در 5/1 کیلومتری بالادست روستای قره زمین و در 45 کیلومتری جنوب شرقی شهرستان ماکو واقع میباشد. این سد از طریق انحراف سیلابهای مسیل صوفی چای آبگیری خواهد شد. که در مسیر عمود بر امتداد مسیل یک آببند سنگی و بتنی انحراف آب با تاسیسات آبگیری و انتقال آن به وسیله کانال با ظرفیت 10 مترمکعب در ثانیه و طول 493 متر با شوت بتنی به طول 51 متر تعبیه شده است. ظرفیت ذخیره سازی مخزن سد برابر 1200000 مترمکعب است. اجزا طرح شامل موارد زیر میباشد: الف ـ تاسیسات انحراف آب رودخانه صوفی با تاج سرریز به طول 21 متر به انضمام دهانههای آبگیر و تخلیه کف در بازوی چپ و حوضچه آرامش ب ـ کانال انتقال با مقطع ذوزنقه با دبی حدود 10 مترمکعب در ثانیه و به طول 3/493 متر طراحی شده است و در طول مسیر یک دهانه پل ماشین رو، یک کالورت به طول 25 متر و در انتهای کانال شوت مانع دار به طول 57 متر در نظر گرفته شده است. پ ـ سایر مشخصات محور اصلی (سد) شامل فیلترهای قائم و افقی بالادست و پایین دست و زهکش قائم و افقی و ریپ راپ سنگی و فیلتر زیر آن میباشد. ج ـ محور اصلی سد از نوع خاکی با هسته رسی به طول 279 متر و عرض تاج 6 متر به ارتفاع 16 متر د ـ دایک خاکی به طول 204 متر و عرض تاج 5 متر در جناح چپ محور اصلی واقع است و عیناً با مشخصات محور اصلی اجرا میشود. هـ ـ سرریز: سرریز سد از نوع فیوز پلاک (Fuse Plag) میباشد. چ ـ تاسیسات آبگیری: شامل برج آبگیری و آشغالگیر با باکس بتنی و اطاق شیرآلات و حوضچه آرامش میباشد قطر لوله آبگیر 400 میلیمتر از جنس فولاد با غلاف بتنی طراحی شده است. و ـ پرده آببند دایک خاکی به طول حدود 230 متر در کمترین عمق 3/1 متر و بیشترین 5 متر و ضخامت 8/0 متر با بتن به عیار 250 کیلوگرم در مترمکعب |
منبع این مطلب وبلاک زیبائیهای ماکو
+ نوشته شده توسط شهربانو در چهارشنبه چهاردهم اسفند 1387 و ساعت
3:35 |
یک ضرب المثل
آن کس که نداند و بداند که نداند
لنگان خرک خویش به مقصد برساند
او کس کی هئچ نه بیلمیر
اؤزوده بیلیر کی بیلمیر
مینه ر چلاق ائششه یه
آخیر چاتار منزیله
+ نوشته شده توسط شهربانو در سه شنبه سیزدهم اسفند 1387 و ساعت
19:7 |
اتا سؤزلرینین گولوستانی
ایشین دوشدو ساریق باشا
باشین دیه ر داشدان داشا
یاپیش گینان آیری خیشا
گئت او باشا گل بو باشا
هر آغاجدا بار اولماز
هئیوا اولماز نار اولماز
آختار اؤزونه یار تاپ
مندن سنه یار اولماز
هامی یا گلر ، گؤزو آلا
ساچی قارا قلم قاش
بیزه ده گلر ، ساللاق بورون
میریق دوداق ، کئچل باش
حسن ده قلیان چکر
حسین ده قلیان چکر
تنباکو چوخ اولاندا
سیچان دا قلیان چکر
گئتدی گؤره بیلمه سن
ییغدی هؤره بیلمه سن
اونو کی سن دئییرسن
اونو دای گؤره بیلمه سن
گولمه گولونج اولانا
خمیری لینج اولانا
اؤزون ده گولونج اولارسان
خمیری لینج اولارسان
+ نوشته شده توسط شهربانو در سه شنبه سیزدهم اسفند 1387 و ساعت
19:1 |
آتاسؤزلرینین گولوستانیندان بیر نئچه بایاتی
من اؤلورم چیچکدن
اؤرت اوستومو ایپک دن
یاد اغلار یالان آغلار
آنام آغلار اورکدن
کئچلین هندی باشی
ائششه یه میندی باشی
او تایدا داعوا دوشدو
بو تایدا سیندی باشی
کهلیکین دیمدیکی قان
دیلی قان دیمدیکی قان
آقادینسه سؤز اولماز
نوکرین دیندیکی قان
+ نوشته شده توسط شهربانو در پنجشنبه هشتم اسفند 1387 و ساعت
2:0 |
روستای بنیس کجاست ؟
در پنج کیلومتری شمال شهر شبستر و شصت و پنج کیلومتری شمال غرب تبریز در دامنه جنوبی کوههای میشو قرار گرفته است.
کمربندی از باغات سرسبز و زیبا که بوسیله آب قنات و جویبارهای تشکیل شده از کوهساران سیراب میشوند روستای بنیس محاصره شده است.
شکل ظاهری روستا از نوع متمرکز میباشد. میدان بزرگ ان در مرکز و مسجد و حمام عمومی و مغازه ها گرداگرد آن جای گرفته اند و از ضلع جنوبی میدان توسط یک جاده آسفالته با شبستر ارتباط برقرار میکند
جمعیت آن بالغ بر دو هزار نفر بوده و در فصل تابستان افزایش قابل توجهی دارد.
کشاورزی از روستا از سالیان دور و دراز وجود داشته و در حال حاضر نیز کم و بیش ادامه دارد . در قرن نوزدهم اغلب مهاجرتها به استانبول، باکو و تفلیس بوده و بعد از انقلاب بلشویکی 1917 روسیه مسیر مهاجرت بیشتر در درون کشور به شهرهائی چون آبادان، اهواز و تهران انجام میگرفت.
اکثریت آنان در تولید مواد غذایی قنادی و یا چاپ اوزالید و تجارت کاغذ فعالیت دارند. علاقمندی به موطن و توجه به عمران و آبادانی آن از شاخصه های زندگی اجتماعی مردمان این روستاست.
در ساخت و احداث مراکز آموزشی و موسسات خیریه از پیشگامان میباشند.
وجود شخصیت های خیر چون مرحومین برادران درخشانی ، شادروان بیاضیان مصداق و موید مطالب فوق است.
با همه کوچکی و روستا بودن تمامی امکانات شهری را با همت و تلاش و همیاری مردم و خیرین در خود جمع کرده و از طرف سازمان یونسکو در سال 1378 به عنوان روستای نمونه و الگو مطرح گردید.
وجود جاده آسفالته ، مخابرات خودکار، درمانگاه مجهز، آب و برق و گاز شهری و مراکز آموزشی کودکستان، دبستان، دبیرستان، و هنرستان دخترانه و پسرانه و مراکز آموزشی دانشگاهی پیام نور نمونه هایی از این امکانات می باشد.
منبع : سایت اطلاع رسانی بنیس . مطالب بیشتر در مورد این روستا در سایت اطلاع رسانی روستای بنیس
+ نوشته شده توسط شهربانو در چهارشنبه هفتم اسفند 1387 و ساعت
11:33 |
قطعه ای از شعر ماکو داغلاری اثر استاد حامد ماکوئی
عمور کئچیردیب بوکولوبدور بئلی
قار قونوب باشینا آغاریب تئلی
اگیلیب ، کؤلگه سین آچیب ائللره
قورویور قارشی دا یاشایان ائلی
آنا قهرمانلی ماکو داغلاری
ایگید قهرمانلی ماکو داغلاری
ایکی مین بئش یوز ایل مرزده دوران
یاغی دوشمنلره معرکه قوران
جان کیمی وطنی باسیب باغرینا
ذیروه سینه ظفر بایراغی ووران
قانلی چالدیرانلی ماکو داغلاری
ایگید قهرمانلی ماکو داغلاری
منبع : کتاب خاطره لر اثر حامد ماکوئی
+ نوشته شده توسط شهربانو در سه شنبه ششم اسفند 1387 و ساعت
20:40 |
قطعه ای از شعر «ای داش ماکو» اثر سید رضا وخشوری :
ای داش ماکو زنگیمارین جوشاندا
دره لردن سئـلر آشـیب داشـاندا
شیر علی خان کهر آتی قوشاندا
دره لردن سئـلر آشـیب داشـاندا
شیر علی خان کهر آتی قوشاندا
دسته دسته قیزلار دوروب باخالار
تلـرینـه رحـلی گــــولـر تاخـاللار
تلـرینـه رحـلی گــــولـر تاخـاللار
***
ای داش ماکو اوینامیشام داشیندا
دولانمیشام قیه ، سبـــد باشیندا
ای کاش ایندی اولایدیم اون یاشیندا
دولانمیشام قیه ، سبـــد باشیندا
ای کاش ایندی اولایدیم اون یاشیندا
بیرده گلیب داشــــــــــلاروی اؤپیدیم
گؤز یاشینی دؤرت بیر یانا سه پیدیم
گؤز یاشینی دؤرت بیر یانا سه پیدیم
***
ای داش ماکـــــــــو سنه آلاه یار اولسون
قوهومون قبیله ن ائلیــــــــــن وار اولسون
سنی ایسته می ین گؤروم خوار اولسون
قوهومون قبیله ن ائلیــــــــــن وار اولسون
سنی ایسته می ین گؤروم خوار اولسون
بیزدن صورا ئیـــــــلر بویو یاشاسن
اوشاق لاری یه تیر بویا باشا سن
اوشاق لاری یه تیر بویا باشا سن
منبع : کتاب خاطره لر ، حامد ماکوئی
این شعر را از سایت ماکوسیتی کپی کردم.
+ نوشته شده توسط شهربانو در سه شنبه ششم اسفند 1387 و ساعت
20:27 |
من
من قاچیرام موللادان ، موللا گلیر آرخادان
من فرار می کنم از ملا ، ملا می آد از پشت سر
من قاچیرام بلادان ، بلا گلیر دالیمجان
من فرار می کنم از بلا ، بلا می آد دنبالم
من دئییرم خدیمم ، بو دئییر نئچه اوغلون وار؟
من می گویم خواجه ام ، می پرسد چند تا پسر داری ؟
من سنی به ینمه دیم بالاما ، سن منیم باغیمی بولاما
من تو را برای بچه ام نپسندیدم ، تو باغم را به هم نزن
منه باخ نه حالدایام ، یارا باخ نه ساللانیر
نگاه کن من در چه حالی ام ، نگاه کن به یار که چه ناز و عشوه
می آد
منی آپاران سویا آراز دییه رم
به آبی که مرا ببرد ارس می گویم
منی یئمیین قوردا کؤپک دییه رم
به گرگی که مرا ندرد ، توله سگ می گویم
+ نوشته شده توسط شهربانو در سه شنبه ششم اسفند 1387 و ساعت
19:28 |
دیلیم
دیلیم یالقیز ، دیلیم یالقیزدیر آی قیز
اوغول شیرین ولی قیز بالدیر آی قیز
آماندیر یه لیک دور تورکون دیلیندن
اوکی اصلین دانا کال قیزدیر آی قیز
بیزیم تورکون دیلی گول دن ظریف دی
بوتون دیللر دال اولسا بو الف دی
ادب ده علم ده هر بیر هنرده
سیز آللاه تورکلره کیم لر حریف دی
وارلیقدا بوتون وار یوخوموز شعر و غزل دی
هر بیر غزلی اللی آرا تورکه مثل دی
من جعفری ام سؤز یازارام تورکو دیلینده
تورکون بالاسی تورکو اوغلان نه گؤزل دی
+ نوشته شده توسط شهربانو در سه شنبه ششم اسفند 1387 و ساعت
1:32 |
آنا دیلی بیر ملتین چیرپینان اوره گیدی
سئل قارشیندا سال کیمین دی
آق بوخاغدا خال کیمین دی
شیرین لیکده بال کیمین دی
آنا دیلیم آنا دیلیم
باخما کی ائلیمدن آرالییام من آدرس این عکس
دیلیم هارالیدی اورالییام من
+ نوشته شده توسط شهربانو در یکشنبه چهارم اسفند 1387 و ساعت
11:54 |
قرآن قیشقیردی
بیر گئجه آسدیلار آسلانلاری دان قیشقیردی
قورقوشوملار سینه سینده گول آچان قیشقیردی
زالی لار سوردولا دؤرت دؤره دن اندیشه لرین
قدد و قامت یئره دوشدوکجه آذان قیشقیردی
قیزلارین ناله سی قاوزاندی بولودلار دؤشونه
هاوالار شاققدی گؤردوم ساوالان قیشقیردی
قارالیقلاردا قارانلیق تؤره دن بایقوشلار
چاپدیلار آیه لر اوستونده ، قرآن قیشقیردی
بیری نین قیش تایاسین دامدا گامیشلار سؤکدو
بیر آریق توخلو آجیندان باجادان قیشقیردی
گئجه بیر واقت بئله سونجولدو تیکانلار دؤشونه
وای دئیه ر کن دوداغین یومدو تیکان قیشقیردی
هر گئجه هر یئنی بیر بابکه نئشتر ده یدی
آت گؤلوندن قارا قاشقا اوجادان قیشقیردی
داغلارین شیهه سی آز قالدی یئری شاققالاسین
قولاغیم باتدی دئدیم یئر گؤی الان قیشقیردی
سازی سیندیردیلا آل ماهنی لارین قوینوندا
هر سازین توزلو تئلیندن مین اوزان قیشقیردی
دری سین سویدولا گؤز باخدی دیلی آخ دئمه دی
سویولان گولدو او بیر لحظه سویان قیشقیردی
ایسته دیم شعری عروض ایله یازام بیر کلمه
قیشقیریق سالدی یاپیشدی هیجادان قیشقیردی
+ نوشته شده توسط شهربانو در یکشنبه چهارم اسفند 1387 و ساعت
11:51 |
گؤردوم سنی الدن اختیاریم گئتدی
باخدیم اوزونه ، صبر و قراریم گئتدی
خاک اولدوم و هر یانا غباریم گئتدی
القصه قاپوندان اعتباریم گئتدی
*
خونابه تؤکوب دیده گریانیم دن
سن سیز بویادیم یئر اوزون اؤز قانیم دن
اؤز قانیم ایله اؤزوم ائیله رم دعوا
گئتمزسه الیم نولا گریبانیم دن
+ نوشته شده توسط شهربانو در جمعه دوم اسفند 1387 و ساعت
1:59 |
شریک
شریک یاخجی اولسایدی ، آللاه اؤزونه بیرین یارالداردی
شریکلی قازان گئج قاینار
شریکلی قازان قایناماز
شریکلی اتی ایت یئمه ز
+ نوشته شده توسط شهربانو در جمعه دوم اسفند 1387 و ساعت
1:49 |