بللی دیر - خسته قاسم

 

ای آغالار سیزه تعریف ائیله ییم

گلن آیین گلیشندن بللی دیر

کیمی تونار کیمی کؤچر یوردوندان

فلکینده گردیشیندن بللی دیر

*

نامرده اوز سالما اوزون گؤتورمز

نامرد قوناغینا چؤرک گتیرمز

اوت کؤک اوسته بیتر اصلین ایتیرمز

بد اصیل ده یئریشیندن بللی دیر

*

هر کیم قاپیسیندا بئش گئچی ملر

تکبر ائیله ییب مجلیسه گلر

گؤزو کله سینده هرجایی گولر

هرجایی ده گولوشوندن بللی دیر

*

صاباح محشر گونو قورارلار سانی

کیمسه سالابیلمزقصری ائیوانی

هر آنلاماز دئییر منیم کئیوانی

کئیوانی دا تیکیشیندن بللی دیر

*

خسته قاسم سؤزون سالما درینه

عاشیق معشوق ایلن گرک سورونه

مرد آند ایچر ایستکلینین سرینه

ایستکلی ده باخیشیندان بللی دیر

*

http://gayagizi11.blogspot.com/

نه دانام ایندی - خسته قاسم

نه دانام ایندی

یادی صرصر ائله اسدی زمیمه

نه سونبولوم قالدی نه دانه م ایندی

درد آنلاماز ، بی وفا یار یولوندا

آدیم رسوای اولدو نه دانام ایندی

*

پروانه تک منده یاندیم آ ، یاغدا

یار گلدی اوزومه ، اولدو آی عاقدا

درده دوشدوم کؤمگه بو ایاقدا

نه نادانیم گلر نه دانام ایندی

*

خسته قاسم یار قاپیسی بو دردی

اورگیمین آچان گولون بو دردی

غمخوار اولوب چکمک اوچون بو دردی

نه آتام وار منیم نه آنام ایندی

*

اولا - خسته قاسم

اولا

اوستا منهی گؤزلرینه فدا قیل

سندن ساز ایستیرم ، آمما ساز اولا

دیندیرنده عمران دیلده دانیشا

شیدا بلبل لر تک خوش آواز اولا

*

یامانی - یامانا ، یاخشی نی مرده

تعریفینی ائدیم هر دوشن یئرده

دولاشمایا سیملر ، وورمایا پرده

گؤزللر تک اوندا عشوه ناز اولا

*

خسته قاسم سؤزوم سؤیلرم عیان

ائله جار ائیلرم بیان به بیان

قیمتین سوروشسان تمان اون تومان

نه اوندان چوخ اولا نه ده آز اولا

*

قورو گؤل - خسته قاسم

 

قورو گؤل ازلدن آدی بللی سن

هر یاندان اوستونه جاده لر گلی

نه چار حووض ایچمک اولمور اولمور سویوندان

ایچه نین باغرینا زده لر گلی

*

ای قورو گؤل سنین سویون گولابدی

ایمانلی سددیندن گلن سئلابدی

گون چیخان طرفین اریشتنابدی

هر یاندان اوستونه آده لر گلی

*

اوجا داغلاری وار دومانلی مئه لی

آلچاق چمنلری چیسگین لی شئه لی

آدی نرگیز خانیم شیروانا ده لی

سئوگی سئوگیسینی یاد ائلر گلی

*

قیزلار چیخاردؤوروه نده گول درمه یه

دریب اونو پنهان یئره سرمه یه

قسمتی اولمایان یارین گؤرمه یه

قاسم تکین او دلداده لر گلی

*

قوروگؤل

وسعت منطقه:120هكتار
تاريخ انتخاب به عنوان تالاب بين المللي23/6/1975
در شمال بزرگراه تهران-تبريز و در استان آذربايجان شرقي قرار گرفته است. منطقه زاد و ولد اردك سرسفيد مي باشد. اردك بلوطي نيز در قوري گؤل تخم گذاري مي نمايند. قوري گؤل تنها منطقه اي است كه در آن كشيم گردن سرخ در ايران زاد و ولد مي كند. علاوه بر آن، بسياري از پرندگان آبزي در زمستان، منطقه مشاهده مي گردند مانند خوتكاي سفيد و چنگر، تنجه و آنقوت.
از اين منطقه براي تفرج، شكار اردك، ماهيگيري تفريحي، چرا و بالاخره قطع ني استفاده مي شود. علي رغم اين فشارها، اين درياچه در موقعيت خوبي قرار گرفته است و تهديد مهمي بر آن اعمال نمي گردد.

نقل قول از این وبلاک

www.orman86.blogfa.com/

قورو گؤل در ویکی پدیا

 

قالدی - خسته قاسم

قالدی

کؤچ - کؤچ اولدو دلی کؤنلوم بولاندی

ائللرین مسکنی داغلارا قالدی

یازیق مجنون لیلی دئدی دولاندی

او یازیغین گونو آغلارا قالدی

بولوت اوینار شیمشک چاخار هاوادا

دلی کؤنلوم نفسیم ایله داوادا

عندلیب قان آغلار قالار یووادا

بولبولون نغمه سی باغلارا قالدی

خسته قاسم گونون کئچدی نه چارا

گولشانیندان بولبول دوشدو نه چارا

غربت ائله یولون دوشدو نه چارا

عئینیمین گولمه سی چاغلارا قالدی

دونیا - خسته قاسم

دونیا

حیله گردی هر گله نی

اول عزیز توتار دونیا

سونرا قویار کمانینا

غربت ائله آتار دونیا

هر گئده نه ال ائیله یر

یاندیریبان کول ائیله یر

بیر دامغالی قول ائیله یر

بازارلاردا ساتار دونیا

قاسم ساخلا ایمانینی

ایمان سیز گئندن تانینی

بیر گونده آلار جانینی

تورپاقلارا قاتار دونیا

یامان اولار - خسته قاسم

یامان اولار

دلی کؤنلوم هاوالانما سنده چوخ

یاندیرار داغ - داشی دیل یامان اولار

اینجیتمه قونشونو آجی دیل ایله

یئندیره ر آشاغی ائل یامان اولار

دئمه میش سؤزلری دئده گی اولما

چاغریلمامیش یئره گئده گی اولما

اسریمیش چایلارا گیرگی اولما

دالی قاییداندا سئل یامان اولار

حسته قاسم دئییر سؤزونو کسمه

دوشمان ال آلتیندا باشینی کسمه

یئل هر یانا اسه اونونلا اسمه

دوز تانی آللاهی یول یامان اولار

داغلار - خسته قاسم

داغلار

باشدان باشا آل الوانسان

تاج اولوبسان باشا داغلار

عمور بویو سنده گزدیم

یاشا داغلار ، یاشا داغلار

لاله نرگس سوسن سونبول

سن مجنونون قدرینی بیل

یاسمن یاس او قرنفیل

چالما داشدان داشا داغلار

خسته قاسم یولا باخار

جانینی اودلارا یاخار

قیش سوووشار سولار آخار

گول دوزه رسن قاشا داغلار

باشینا دولاندیغیم- خسته قاسیم

باشینا دولاندیغیم

یاخشی اولار قوهوم قارداش

ائل ، باشینا دولاندیغیم

هاردا گؤرسن یارا یالوار

دیل باشینا دولاندیغیم

*

یارا یالوار اولما ناشی

عاشیق لر گزه ر یاناشی

یار گؤزوندن آخان یاشی

سیل باشینا دولاندیغیم

*

بودور گلدی باهار واختی

سینه م اولوب یارین تاختی

سویولدو بولبولون رختی

گول باشینا دولاندیغیم

*

قاشلارین قورار دیوانی

تخدن سالار سلیمانی

خسته قاسیمین جانانی

گل باشینا دولاندیغیم

کهلیک لر - خسته قاسم

 

کهلیک لر

من گئدیرم سیزی کیمه تاپشیریم

دام اوستونده دوران سونا کهلیک لر

آل - یاشیل گئیینیب ، تیرمه باغلارسیز

نه گیریرسیز دوندان - دونا کهلیک لر

فره کهلیک داغ باشیندا سس ائیلر

قاققیلداشیب بیر - بیریله بحث ائیلر

بیلمیرم توی ائیلر ، یوخسا یاس ائیلر

قایناغین باتیرمیش قانا کهلیک لر

کهلیکین اویلاغی ، قایالار باشی

قاققیلداشیب تاپار یولداش - یولداشی

بره سی برک اولسا اووچوسو ناشی

اوچوب گئدر آسمانا کهلیک لر

گؤزل کهلیک داش اوستونده دوروبدور

گردن چکیب ، نئجه بوینون بوروبدور

هئچ بیلمیرم اووچوسونو گؤروبدور

اوز توتدولار بیابانا کهلیک لر

نه دردینیز وارسا منه سؤیله یین

من گلینجه یوللار اوسته ایله نین

کهلیک لر سیز منی حلال ائیله یین

من گئدیرم اوزاق یولا کهلیک لر

هر ایکینیز یاشیل باشلی سوناسیز

منیم گیزلی دردیم پنهان قاناسیز

آیریلیریق ساغلیقینان قالاسیز

 قاسم  گئدیر داغیستانا کهلیک لر

گؤزله - خسته قاسم

 

گؤزله

 

گزه – گزه بیر حکمته توش اولدوم

عجب قارشی گلدی گؤزل – گؤزله

آتدی کیپریکلرین یاخدی جانیم

بیلمم نه سویلدی گؤزل – گؤزله

...

تغایر اولموشام آزیلا چوخلا

ساخلا نظرینده سن منی یوخلا

لطف ائیله بیر گئجه قوینوندا ساخلا

بو سینیق کؤنلومو گؤزل  - گؤزله

...

بئله جبرلره من چوخ دؤزموشم

گؤزل جمالینین وصفین یازمیشام

بیچاره « قاسیمم » دونیا گزمیشم

گؤرمدیم سنین تک گؤزل گؤز آلا

شاعر : خسته قاسم

 

دوشدو - خسته قاسیم

دوشدو

 

آی آغالار ، آی جماعات

داغا قار دوشدو ، قار دوشدو

اؤزوم قالدیم غربت ائلده

یادا یار دوشدو ، یار دوشدو

آختارماز تانیشیم یادیم

گؤیلره قالخدی فریادیم

مجنون کیمی منیم آدیم

ائله جار دوشدو جار دوشدو

چرخ فلک یولون آزدی

اقبالیمی قارا یازدی

قبریمی اؤزگه لر قازدی

یئریم دار دوشدو دار دوشدو

گئدین دئیین آناسینا

صیغال وئرسین سوناسینا

یار سینه نین آراسینا

بیر جوت نار دوشدو نار دوشدو

« خسته قاسیمی » غم باسدی

یار بیزی زولفوندن آسدی

شیدا بولبول گولدن کوسدو

گوله خار دوشدو ، خار دوشدو

نام شاعر : خسته قاسیم

 

خسته قاسیمدان بیر شعر

آیریسی

 

گئنه وطن یادا دوشدو

بیز اولدوق ائللر آیریسی

یاریم بیر گونه دؤزمه زدی

ایندی قال ایللر آیریسی

...

الیف قددیم بوکه – بوکه

قانلی یاشیم تؤکه – تؤکه

کهلیک کیمی سکه - سکه

بولبولم گوللر آیریسی

...

« قاسیم » دوشوب غوربت ائله

داستان اولوب دیلدن دیله

گاهدان باخیر ساغا – سولا

اوچ اینجه بئللر آیریسی

 

شاعر : خسته قاسم

اولماز

                             اولماز

ای نازنین سنین کیمی

شوخ گؤزلدن دویماق اولماز

آغزین شکر ، لبین بالدی

لبین کیمی قایماق اولماز

...

نئچه ماحالدا وار آدین

ده ییشدین آغزیمین دادین

دوروب یانیندا جلادین

دیزینه باش قویماق اولماز

...

مینا گردن ، بویو بسته

بیر سایه سال باشیم اوسته

یازیق « قاسیم » دوشدو خسته

دردی غمین سایماق اولماز

شاعر : خسته قاسم

 

شوخ : دلربا ، طناز ، عشوه گر

بویو بسته : خوش قد و قامت

 

 

خسته قاسیمدان بیر نئچه شعر

                  خسته قاسم دان بیر نئچه شعر

 

ایشی

آدام وار کی اؤزگه لره لاغ ائیله ر

فیکیر وئرسن عیبه جردیر هر ایشی

هر مجلیسده اؤز یئرینی تانیماز

ائل یانیندا اولماز اونون ارزیشی

...

نامرد جهدی اونو مرده یئتیرمز

قوناق گلسه یارا ، چؤرک گتیرمز

اوت کؤک اوسته بیتر ، اصلین ایتیرمز

اینانمیرسان ائیله گینه ن تفتیشی

...

یالان سؤز بعضینه شوکت دی ، شاندی

آخشام سؤز دانیشیر سحر پئشماندی

یئیر نان و نمک ، گئدر دوشماندی

ائله آدام نه آرواددی ، نه کیشی

...

« خسته قاسم » سن دوشمانین آتگینان

متاعینی خریدارا ساتگینان

شاهی مردان دامانیندان توتگینان

الله هی سن چاغیر ، ائتمه تشویشی

داغلار

بهار گئچدی زمستاندیر

غرق اولارسان قارا داغلار

ایگیدلرین مکانیسان

مهلت وئرمه سارا دالغار

...

مردلر ایله دیللشرسن

نامردایله اللشرسن

بهار گلر گوللشرسن

بلنه ر سن بارا داغلار

....

لاله نرگیز گوللرین وار

آچار اولارسان لاله زار

« قاسیم » دا چکیر انتیظار

فرصت وئرمه خارا داغلار

...

                                  

 

 

خسته قاسم

                                   خسته قاسم 

 

خسته قاسم حدود سال 1081 خورشیدی در تیکمه داش به دنیا آمد . تیکمه داش در 78کیلومتری شهر تبریز بین راه تبریز تهران بنا شده است . 102 روستا از توابع تیکمه داش هستند . این بخش با بستان آباد ، سراب ، ترکمانچای و قره چمن و هشترود  همسایه است . گویا او حدود 76 سال عمر کرده است و ارامگاهش در تیکمه داش است .

منبع : کتاب خسته قاسم

گردآوری کننده : محمد عبادی قاراخانلو « آلیشیق »

دنیاسان

نه قدر زحمت چکیب حؤرمت ائیله یم

آخیردا گؤرورم یالان دونیاسان

یارانمیشلار اولماز سندن ایراضی

قانانا بیرکلمه تالان دونیاسان

...

کیمین آلیرسان ناموسون عارین

گولوستان اولاندا گؤرمه دیم بارین

مین ایل عمور ائده نین دؤولتین وارین

گؤز یوموب آچینجا آلان دونیاسان

...

گلن گئدیر سن کی هله قالیرسان

گونده بیزه مین  بیر هاوا چالیرسان

« خسته قاسیم » دئییر : دائم دولورسان

او نوحی نبی دن قالان دونیاسان

....

منیم

جفا چکیب اوزاق یوللار گلمیشم

اینجیدیبدیر آیاغیمی یول منیم

هردم – هردم سن یادیما دوشنده

گئدر گؤزلریمدن قانلی سئل منیم

...

داغ باشینی دومان آلدی قار توتدو

بولبول اؤلدو ، اونون یئرین سار توتدو

یازدی حارامزادا ، یارین یار توتدو

باشا چالیر ، قوهوم قارداش ائل منیم

...

یوز جؤریله بیر باغ سالدیم اؤزومه

قوهوم – قارادش تیکان اولدو گؤزومه

هر نه ائدیم بیر باخمازسان اوزومه

ائوی یانمیش بیر اوزومه گول منیم

...

« خسته قاسیم » دالدالاردان باخان یار

قیزیل گوللر دال گردنه تاخان یار

منی گؤروب قاش قاباغین ییخان یار

اوزو دؤنموش بیر یانیما گل منیم