بیرنئچه بایاتی

بایاتی

 

آیا باخدیم آی آیدین

گونه باخدیم گون آیدین

گؤزللر آراسیندا

نیشانلیم سن اولایدین

*

باشماغیم آلتی میخ دی

آت اولکوب منی ییخدی

آتا منی ائولندیر

سوبای لیق منی سیخدی

*

قوی گئدیم یوردا منی

تاپشیرما قوردا منی

گؤزو یولدا قالان وار

اؤلدورمه بوردا منی

*

بولبوللر اوشدو باغا

قوندو بوداق بوداغا

دنیادا بیر جانیم وار

اودا سنه ساداغا

*

اوجاقدا اودون قالا

اود گتیر اودون قالا

فورخورام دوشم اؤلم

جانیمدا اودو قالا

*

http://gayagizi11.blogspot.com/

*

بیر خیرداجا بایاتی

بیر خیرداجا بایاتی

بیر قیز گؤردوم بیچین ده

ساری سونبول ایچینده

من یاریمی سئومیشم

اون بئش یاشین ایچینده

*

عاشقم یارا منده

درد منده یارا منده

یولوندا جانیم وئردیم

یارادیم یارا منده

*

 آی دوغدو بیرجه بارماق

قلبیمه باتدی قارماق

ائل یاتدی اوبا یاتدی

منه قالدی یالوارماق

*

عزیزیم سندن ایراق

دوشموشم سندن ایراق

قوی دردین منه قالسین

تک اولسون سندن ایراق

*

کؤینه یین گولو خارا

گئیمیسن گوللو خارا

جفاسین چکن بولبول

وئره ر می گولو خارا؟

*

بایاتی لار

بایاتی لار

دسمالین آغ دی من ده

گوللودو آغ دی من ده

 سنین بیر جه یوخ سؤزون

یارادی داغ دی من ده

باغچا من ده بار من ده

هئیوا من ده نار من ده

سینم عطار توکانیدی

نه ایسته سن وار من ده

من عاشق قالا من ده

برج من ده قالا من ده

یا بیر قیزیل گول وئردی

یادگار قالا من ده

سو گلدی دولو بنده

آخدی تؤکولدو کنده

اوره ییمه اود دوشدو

یار بوینونو بوکن ده

کؤینه یین گولو خارا

یایلیقین گولو خارا

بولبوله خبر گئتسین

وئردیلر گولو خارا

آرخالیغین جوت یاخا

یاخانا یار گول تاخا

باش قویوم دیزین اوسته

جان وئریم باخا - باخا

بایاتی لار

بایاتی لار

عزیزیم دامی دا وار

دام اوسته دامی دا وار

کیش لیک آیری سؤز دو

بوغ سه ققل هامی دا وار

عزیزیم دره بیللم

قیزیل گول دره بیللم

منیم اصلیم باغباندی

باغدا گول دره بیللم

عزیزیم داغا گللم

باغچایا باغا گللم

قیش گونو  وعده وئرسم

قار یاغا - یاغا گللم

عزیزیم باغدا دارا

آش زولفون باغدا دارا

بلبلو گول دن اؤترو

چکیبلر باغدا دارا

عزیزیم گولشن اولماز

بیر گولنن گولشن اولماز

دوست دوست دان اینجی سه ده

اینجییر دوشمن اولماز

عزیزینم جان مندن

اورک مندن قان مندن

اوخووی آت دایانما

نشان مندن جان مندن

عزیزینم یوز یول وار

یوز دره وار یوز یول وار

اؤزو بیلدیگین ائیلر

سن بو فلکه مین یالوار

بایاتیلار

بایاتیلار

عزیزیم دریادا

گه میم قالدی دریادا

آغلادیم گؤز یاشیمدان

دولدو داشدی دریادا

دوشوبدو قان آرادا

خسته یوخ ، قان آرادا

اولدوم قفس بلبلو

قالدیم من قنارادا

عاشقم سلماسادا

یول گئده ر سلماسادا

پنهان آغلا گؤزلریم

عالمه سالما صدا

عزیزیه م قولومدا

قووتیم یوخ قولومدا

گؤر نئجه قارا باختام

بو دا وارمیش یولومدا

عزیزیه م بو داغدا

بولبول اوخور بو داغدا

سار گلدی داغا قوندو

هارای چکیر بو داغدا

ائل کؤچ ائیلر بو داغا

قوشلار قونماز بوداغا

ائله کی من دؤزورم

هیچ کیم دؤزمه ز بو داغا

ائل بایاتیلاری

ائل بایاتیلاری

 

زهره خانم وفائی

 

آغ آلمانی سویارلار

بوشقاب اوسته قویارلار

چاغریلمامیش قوناغی

قاش گؤزونه ن قووارلار

...

فلکی دیندیرئیدیم

بیلمه زین بیلدیرئیدیم

منه یازی یازاندا

قلمین سیندیرئیدیم

...

آلمانی آتدیم دوزه

یالقیزام دور گل بیزه

آنلیمین یازی سیدی

قیسمت اولدوم من سیزه

...

داغ باشین دومان آلماز

یار یارین درده سالماز

آخیردا بو گؤزل لیک

گئده ر سنه ده قالماز

...

یار گؤروندو داغ اوسته

یول آیریلیر باغ اوسته

فلکین قایداسی دیر

داغی چکر داغ اوسته

...

گتیر سازینی قارداش

پوزما یازینی قارداش

بؤیو قوچاق ایگیت اول

چکیم نازینی قارداش

...

عزیزیم قورا دردیم

مؤو آتدان قورا دردیم

گؤزله دیم یار گلمدی

آپاردیم گورا دردیم

بایاتیلار

بایاتیلار

عــزيــزيم قازان آغــلار،
اوت يانار ، قازان آغلار.
بوردا بير غريب ئولوب،
قبريني قــازان آغــلار
* ************
آغـلايان باشـدان آغلار،
كيرپيكـدن ، قاشدان آغلار.
قـاراشـي ئـولن باجــي ،
دورار اوباشدان آغلار .
*************
طوفان قوپار، يئل آغلار،
چايلار داشار، سئل آغلار.
غريبليــــكده ئــــوله نين ،
ياسين تــوتار، ائل آغلار.
*************
بستاندا تاغــيم آغلار ،
غمدن ، يارپاغيم آغلار
ساغام ئـوزوم آغلارام ،
ئولسم ، تورپاغيم آغلار

گؤندرن : محمد قربان زاده

http://www.galamyaz.blogfa.com/

 

ساوالانین قاری منم
گون دیسه اریمه  ره م
قبریمی قاز قوزیده
جاوانام چورومه ره م

گؤنده رن : الشن

http://azarbaijanim.blogfa.com/

بایاتی

بایاتی

آچیق قوی پنجره نی

گؤزوم گؤرسون گلنی

نئجه قبره قویارلار

غربتده جان وئره نی

...

آچیلارام گول کیمی

اوخورام بلبل کیمی

غربت ائلده چوخ قالدیم

سولورام سنبل کیمی

ترجمه

پنجره را باز بگذار

تا چشمم رهگذران را ببیند

چگونه داخل قبر می گذارند

کسی را که در غربت می میرد

...

مثل گل باز می شوم

مثل بلبل می خوانم

در دیار غربت زیاد ماندم

مثل سنبل پژمرده می شوم

...

 

بایاتیلار

بایاتیلار

دووشان گه زه ر داغلاردا

قوشلار اوچار باغلاردا

من سئویردیم قوش اولام

یار دولانان باغلاردا

...

منیم سازیم آغلییر

اوره ک باشین داغلییر

بؤیوک غم اوره گیمی

یاندیریر سیزلادییر

...

کاشکا گول اولمویایدی

سارالیب سولمویایدی

سن ته ک اوره ک کینه لی

کیمسه ده اولمویایدی

...

بو بایاتیلاری عشقی گؤنده ریب کی بیرآزجانا ده ییشمیشه م .

http://shour.blogfa.com/

 

آراز

                       آراز

آراز آراز قان آراز

سلطان آراز خان آراز

سنی گؤروم یاناسان

بیل دردیمی ، قان آراز

...

آراز آراز خان آراز

داغلاردان آخان آراز

قارداشدان آیری سالدین

ائویمی ییخان آراز

...

ارسالی : کؤچمن

 

آراز = رود ارس

 

                        آراز بایاتیلاری

آرازام نیله بندم

بولبولم گوله بندم

دیندیرمه یین غملی یه م

بیر شیرین دیله بندم

...

آراز داشی داش داشی

قلمدی یارین قاشی

جاهیل ایله بال یئمه

عاقیلینه ن داش داشی

...

آراز سندن کیم کئچدی ؟

کیم غرق اولدو کیم کئچدی ؟

فلک گل ثابیت ائیله

هانسی گونوم خوش گئچدی ؟

 ..

آرازی آییردیلار

قومونان دویوردولار

من سیزده ن آیریلمازدیم

ظولمونه ن آییردیلار

...

آراز آخار لیل ایله

دسته دسته گولیله

من یاریمی سئویره م

شیرین شیرین دیلیله

...

آراز آخار لیلیله

یاریم اوینار گولیله

هامی یا جان باغیشلار

منی ساخلار دیلیله

...

آرازین آرام یئری

سیزیلدار یارام یئری

هر محنته دؤزه ره م

که سیلیب چارام یئری

...

آراز آشاندا آغلار

یار قوووشاندا آغلار

بالالار آناسیندان

آیری دوشه نده آغلار

...

آراز اوسته بوز اوسته

کاباب یانار کؤز اوسته

قوی منی اؤلدورسونلر

بیر آلاگؤز قیز اوسته

...

 

آراز بورولدو کئچدی

سویو دورولدو کئچدی

من دئدیم یار اینجیدی

دئمه یورولدو کئچدی

...

آرازدان آتیلایدیم

قول اولوب ساتیلایدیم

بی وفا یار الیندن

اؤلئیدیم قورتولایدیم

...

آرازدان کئچن هانی ؟

سویوندان ایچه ن هانی ؟

یاخجی ایله یامانی

ائل ایچره سئچه ن هانی ؟

...

آرازین نیلی رنگی

ایگیت اولدو بهرنگی

جاوانلار قارا گئیدی

سولدو گول له رین رنگی

...

آرازین نیلی رنگی

اؤلدوردولر بهرنگی

جاوانلار قارا گئییب

سولوب گوللرین رنگی

...

آراز قیراغی مئشه

آچ قیز دسمالین دؤشه

آراسینا گول دوزوم

دؤوره سینه به نؤوشه

...

آراز کیمی آخیرام

یاندیریرام یاخیرام

گؤزلرینده گؤزوم وار

حسرتیله باخیرام

...

آرازین باشی منم

دیبینین داشی منم

هر یاندا غریب اولسا

اونون یولداشی منم

...

 بو آراز دلی آراز

عاغیلدا بری آراز

هئچ باخمادی آپاردی

سانکی بیر پری آراز

..

بو آراز آخار اراز

گؤیلره باخار آراز

قان ائیله ییب اوره کلر

یاندیریب یاخار آراز

..

آرازین بو شامیندا

او شام یوخ بو شامیندا

نیسگیل لریم قالیبدی

شافاقلی آخشامیندا

..

آراز بولانیب آخار

گزیب دولانیب آخار

اونودولموش گیله لر

داییم سولانیب آخار

..